सिद्धलेक गाउँपालिकाको दशौं हिँउदे गाउँ सभा सम्पन्न भएको छ । आज शुक्रबार गाउँपालिकाले दशौँ गाउँ तथा हिँउदे सभा सम्पन्न गरेको छ।सिद्धलेक गाउँपालिकाको पहिलो निर्वाचित जनप्रतिनिधिहरुको अन्तिम गाउँसभा गाउँपालिका अध्यक्ष प्रेमनाथ सिल्वालको अध्यक्षतामा सम्पन्न भएको गाउँ सभामा गाउँपालिका उपाध्यक्ष कमला शर्माले प्रगति प्रतिबेदन प्रस्तुत गर्नुभएको थियो ।
सडक, खानेपानी, सिचाँई, कृषि लगाएतका क्षेत्रमा रहेका केही महत्वपुर्ण तथा अधुरा योजनाहरु पुरा गर्ने निर्णय गरेको उपाध्यक्ष कमला शर्माले जानकारी दिनु भयो । गाउँसभाले गाउँपालिकाको आन्तरिक स्रोतबाट हुने योजनाहरु गाउँसभाको निर्णयअनुसार सम्पन्न गरीने पालिकाले बताएको छ ।
