धुनिवेशी नगरपालिकाका मेयर बालकृष्ण आचार्यले नगरपालिकामा निर्माणाधिन भुवनेश्वरी खेल मैदानको काम सुस्त भएको गुनासो गर्नुभएको छ । धुनिवेशी ५ पुरानोधार्केको खेल मैदान निर्माणको लागि बजेट बिनियोजन भई टेण्डर भएर पनि ठेकेदार कम्पनी आईसकेको अवस्थामा कामको स्पिड नभएको उहाँले गुनासो गर्नुभएको हो । नागरिकपाटी डटकम सँगको कुराकानीमा विगत एक महिनादेखी नै कामको गति नबढेको मेयर आचार्यको भनाई छ ।
अहिले शौचालय बनाउने काम भैरहेको भन्दै ट्रष्ट निर्माण, ग्राउण्डको लेवलिङ लगायतको थुप्रै काम बाँकी रहेको मेयर आचार्यले बताउनुभयो ।कतिपय कामहरु आफुले मात्र चाहेर पुर्ण नहुने भन्दै उहाँले जति ढिला भयो उति नै ठेकेदार पक्षलाई घाटा हुने बताउनुभयो । उहाँले चाँडो काम सक्न पनि आग्रह गर्नुभएको छ । उक्त खेल मैदानको गत वर्ष साउन २१ गते शिलान्यास गरिएको थियो ।
भिडियो हेर्नुहोस् ।
यो पनि हेर्नुहोस् ।
धुनिबेशीमा भुवनेश्वरी खेल मैदान निर्माणको शिलान्यास
