धादिङ । धादिङ जिल्लामा सम्पन्न निर्वाचनमा ५७.५३ प्रतिशत मतदान सम्पन्न भएको छ ।
कुल २ लाख ७५ हजार २ सय ८० मतदातामध्ये ५७ दशमलव ५३ प्रतिशत मतदाताले मतदान गरेको जिल्ला निर्वाचन कार्यालय धादिङले जनाएको छ । ७६ हजार ६ सय ८० महिला, ८१ हजार ७ सय ३ पुरुष र एक अन्य गरि ५७ दशमलव ५३ प्रतिशत मतदाताले मतदान गरेका हुन् ।
यसअघि २०७९ सालमा सम्पन्न प्रतिनिधिसभा तथा प्रदेशसभा निर्वाचनमा धादिङमा करिब ६५ प्रतिशत मतदान भएको थियो भने त्यसअघिको निर्वाचनमा ५१ प्रतिशत मतदान भएको तथ्यांक रहेको छ।
धादिङमा शान्तिपूर्ण रुपमा निर्वाचन सम्पन्न भएको प्रमुख जिल्ला अधिकारी विजयराज सुवेदीले बताए । अहिले जिल्लामा मतपेटिका संकलन गरी मतगणनाको तयारी भइरहेको छ।
