धादिङ प्रहरीले नाबालिकामाथि जबरजस्ती करणी गरी फरार रहेका आरोपीलाई पक्राउ गरेको छ। जिल्ला सप्तरी, राजविराज नगरपालिका–११ का २० वर्षीय पुरुषोत्तम यादवलाई मोरङको विराटनगरबाट पक्राउ गरी धादिङ ल्याइएको प्रहरीले जनाएको छ।
पीडित नाबालिकाकी आमाले २०८२ साउन १७ गते जाहेरी दिएपछि फरार रहेका उनलाई खोजतलासका क्रममा पक्राउ गरिएको हो। आरोपीलाई धादिङ जिल्ला अदालतमा पेश गरी ७ दिनको म्याद थप गरेर थप अनुसन्धान भइरहेको प्रहरीले जनाएको छ।
