राष्ट्रिय गौरवको बुढीगण्डकी जलविद्युत आयोजना निर्माणमा सरकारले उदासिनता देखाएको भन्दै ‘बुढीगण्डकी जलविद्युत आयोजना राष्ट्रिय सरोकार समिति’ले कडा आपत्ति जनाएको छ। समितिले एक प्रेस विज्ञप्ति जारी गर्दै वर्तमान सरकार र जनप्रतिनिधिहरूले चुनावका बेला गरेका प्रतिबद्धता पूरा नगरेको र आयोजनालाई झन् अन्योलमा धकेलेको आरोप लगाएको हो।
विगत एक दशकदेखि मुआब्जा र पुनर्वासको पर्खाइमा रहेका गोरखा र धादिङका बासिन्दाहरू नयाँ सरकार बनेपछि आशावादी भए पनि अहिले निराशामा बदलिएको विज्ञप्तिमा उल्लेख छ।
