ट्रान्सपरेन्सी इन्टरनेसनल नेपालले न्यायाधीशहरूको आचरण र नैतिकतामाथि सार्वजनिक रूपमा उठेका प्रश्नमाथि संसदीय समितिमार्फत अनुसन्धान अघि बढाउन माग गरेको छ ।
न्यायपालिकाको विश्वसनीयतासँग जोडिएका गम्भीर विषय सार्वजनिक स्पष्टीकरणका आधारमा मात्रै टुंग्याउन नसकिने ट्रान्सपरेन्सीले जनाएको छ । आरोपसँग जोडिएका न्यायाधीशहरूको सम्पत्तिसमेत छानबिनको दायरामा ल्याउन माग गरिएको छ ।
विचाराधीन मुद्दाका पक्ष, बिचौलिया वा प्रभावशाली व्यक्तिसँग न्यायाधीशको भेटघाट तथा सम्पर्क न्यायिक आचारसंहिताका दृष्टिले गम्भीर विषय भएको संस्थाले उल्लेख गरेको छ ।
