लण्डन । बेलायती प्रधानमन्त्रीको पदीय जिम्मेवारीबाट मुक्त हुन लाग्नु भएकी थेरेसा मेले बुधबार औपचारिक रूपमा पदबाट राजीनामा दिएको छ ।
उनले आफ्नो राजीनामा पत्र बेलायती महारानी एलिजावेथ द्वितीयलाई बुझाउनु भएको प्रधानमन्त्रीको कार्यालयले जनाएको छ । उनको राजीनामा स्वीकृतिसँगै महारानीले प्रधानमन्त्रीका रूपमा बोरिस जोनसनलाई नियुक्त गर्ने भएको छ ।
जोनसन कन्जरभेटिभ पार्टीका नेतामा निर्वाचित भएकाले उनी नै प्रधानमन्त्री बन्ने भएको हो । बेलायतमा सामान्यतया आम निर्वाचनमा विजयी पार्टीको नेता नै प्रधानमन्त्री हुने चलन छ।
त्यसपछि मन्त्रीहरू प्रधानमन्त्रीबाट नै नियुक्त हुनेछन् । मन्त्री बनाउँदा वरिष्ठतालाई ध्यान दिने गरिएको छ । उनीहरूलाई फेरबदल गर्ने विषेशाधिकार प्रधानमन्त्रीमा छ।
