भदौ १० गतेको भोटेकोसी बाढीले पुरिएको त्रिशूली–३ ‘बी’मा उद्धार कार्य १२औँ दिनमा पनि जारी छ । विभिन्न चुनौतीहरूका बाबजुद सम्बन्धित विभिन्न निकायहरूसँग आवश्यक समन्वय गरी जेसीबी ब्रेकरलगायत उपलब्ध आवश्यक उपकरणहरूको प्रयोगमार्फत उद्धार तथा उत्खनन कार्यलाई तीव्रता दिइएको आयोजनाले जनाएको छ ।
हालसम्म भवनका भग्नावशेषका मुख्य भागहरू फेला पर्न सकेका छैन । हाल उद्धार तथा खोजी कार्य निरन्तर जारी रहेको छ ।
