टासि नामग्ये लिङ्ग मंगोलियन बुद्धिस्ट सेन्टर, उलानबटारका तर्फबाट घेसे लामा टेङ्य रेन्पोछेले प्रधानमन्त्री दैवीप्रकोप राहत कोषमा रु १ लाख १५ हजार ५ सय ५५ सहयोग गर्नुभएको छ । गत भाद्र १० गते रसुवा भोटेकोशी र त्रिशुली नदीमा गएको विनाशकारी बाढीबाट पिडितहरुको सहयोगका लागी रेन्पोछेले सहयोग गर्नुभएको हो ।
मानवीय सेवा तथा विपद्का समयमा प्रभावित नागरिकलाई राहत पुर्याउने उद्देश्यले प्रदान गरिएको उक्त सहयोग रकम बज्र इन्टरनेशनल कलेजका कार्यकारी प्रमुख रत्नमान लामाद्धारा पूर्व ऊर्जा मन्त्री कुलमान घिसिङमार्फत प्रधानमन्त्री राहत कोषमा हस्तान्तरण गरिएको हो। बाढी पिडित र दिवंगत आत्माको शान्तिका लागी घेसे लामा टेङय रेन्पोछेले ठुलो पुजा समेत गर्नुभएको थियो ।
उहाँले यसअघि पनि नेपालमा विपत्ती पर्दा सहयोग गर्दै आउनुभएको थियो । उक्त सहयोगले विपद् प्रभावित तथा आवश्यकतामा रहेका नागरिकको राहत र पुनःस्थापनामा योगदान पुग्ने उहाँले अपेक्षा गर्नुभएको छ ।
