हेटौंडा। बागमती प्रदेश सरकारले आज आउँदो आर्थिक वर्ष २०७७/७८ को लागि करिब ५० अर्बको बजेट ल्याउने तयारी गरेको छ । प्रदेश सरकारले अघिल्लो वर्षको तुलनामा करिब ४ अर्बको बजेट वृद्धि गरेर ल्याउने तयारी गरेको छ । प्रदेश सभा सचिवालय अनुसार आज ५ बजे नयाँ बजेट प्रस्तुत गर्ने कार्यक्रम रहेको छ ।
आज हेटौंडामा रहेको प्रदेशसभा भवनमा प्रदेशका आर्थिक मामिला तथा योजना मन्त्री कैलाश ढकालले प्रदेशको बजेट प्रस्तुत गर्ने छन् । बजेटले आउँदो आर्थिक वर्ष पनि कृषि,उद्योग तथा पर्यटनलाई विशेष महत्व दिने जनाईएको छ । बागमती प्रदेश सरकारले आर्थिक वर्ष २०७६/०७७ को लागि ४७ अर्ब ६० करोड ८७ लाख ८६ हजार रुपैयाँको बजेट ल्याएको थियो ।
