गल्छि । धादिङको गल्छि गाउँपालिकाले कृषकहरुका लागि अनुदानमा ट्याक्टर वितरण गरेको छ । वडा नम्बर ३ र ६ का १८ कृषकहरुलाई ५० प्रतिशत अनुदानमा सोमबार ट्याक्टर वितरण गरिएको कृषी प्राविधिक टिकाराम खतिवडाले बताउनुभयो । उहाँका अनुसार अब अन्य ६२ जना कृषकहरुलाई ट्याक्टर वितरण गर्न बाँकी रहेको छ । उनिहरुलाई १ हप्ता भित्रमा ट्याक्टर वितरण गर्ने गाउँपालिकाले जनाएको छ ।
ट्याक्टर वितरण कार्यक्रममा गाउँपालिका अध्यक्ष कृष्णहरी श्रेष्ठ, उपाध्यक्ष राधा तिमल्सिना, प्रमुख प्रशासकिय अधिकृत मोहन कुमार श्रेष्ठ, वडा नम्बर ३ का अध्यक्ष कपिल प्रसाद रेग्मी र वडा नम्बर ६ का अध्यक्ष राजन श्रेष्ठ लगायतको सहभागिता रहेको थियो ।
