धादिङ । जिल्ला प्रहरी कार्यालय धादिङका १२ जना सुरक्षाकर्मीको कोरोना रिपोर्ट नेगेटिभ आएको छ । धादिङमा प्रहरी प्रमुखको कन्ट्याक टेसिङमा स्वाब संकलन गरि पठाइएको १२ जना सुरक्षाकर्मीको पिसिआर रिपोर्ट नेगेटिभ आएको डिएसपी रुपक खड्काले जानकारी दिनुभयो।
जिल्ला प्रहरी कार्यालय धादिङका प्रमुखलाई नै कोरोना संक्रमण भएपछि उहाँको सम्पर्कमा रहेकाहरुको स्वाब संकलन गरी काठमाण्डौँ पठाईएको थियो ।कन्ट्याक टेसिङमा सबै जनाको रिपोर्ट नेगेटिभ आएको हो । आईतबार ५४ जनाको रिपोट नेगेटिभ आएको जिल्ला स्वास्थ्य कार्यालय धादिङले जनाएको छ ।
जसमा त्रिपरासुन्दरी गाउँपालिकाका ४० जना र गजुरीको १४ जना रहेका छन् । थप धादिङबाट ६६ जनाको स्वाव संकलन गरी पीसिआर परिक्षणको लागि काठमाण्डौँ पठाईएको छ