काठमाडौँ । चीनको राज्यपरिषद् सदस्य तथा रक्षामन्त्री वेई फेङ्हेले प्रधानमन्त्री केपी शर्मा ओलीसँग भेट गरेका छन्। रक्षामन्त्री वेईले प्रधानमन्त्री निवास बालुवाटारमा आइतबार अपराह्न प्रधानमन्त्री ओलीसँग भेटघाट गरेको प्रधानमन्त्री ओलीको सचिवालयले जानकारी दिएको छ।
आइतबार बिहान ११ बजे रक्षामन्त्री वेई त्रिभुवन अन्तर्राष्ट्रिय विमानस्थलमा अवतरण गरेका थिए। विमानस्थलको विशिष्ट कक्षमा गृहमन्त्री रामबहादुर थापालगायत उच्च अधिकारीले उनको स्वागत गरेका थिए।
रक्षामन्त्री वेई २१ सदस्यीय प्रतिनिधिमण्डलको नेतृत्व गर्दै विशेष विमानबाट काठमाडौँ अवतरण गरेका थिए।
