धादिङ । धादिङको विभिन्न पालिकाहरुमा बजार अनुगमन जारी छ । जिल्ला प्रशासन कार्यालय, घरेलु तथा साना उद्योग, उद्योग वाणिज्य सँघ लगायतको संयुक्त बजार अनुगमन टोलीद्वारा ४ साता देखि अनुगमन जारी रहेको सहायक प्रमुख जिल्ला अधिकारी गोकर्ण प्रसाद उपाध्यायले बताउनुभयो ।
टोलीले पसलहरु अनुगमन गर्दा ठूलो संख्यामा म्याद गुज्रेका सामानहरु बिक्री गरि आम उपभोक्ताको जीवनसँग खेलवाड गरेको पाइएको छ । यस्तै अधिकाँश पसलमा मुल्यसुची नराखिएको, मुल्यसुचि राखेपनि अद्यावधिक नगरिएको, सरसफाईमा ध्यान नदिईएको पाईएको छ । यस्तै केहि पसलहरुमा साईनवोर्ड नराखिएको पाईएको छ ।

यसैबिच उपभोक्ताको गुनासो प्राप्त भएपछि धादिङबेशी, पुछार बजारको लामिछाने किराना स्टोरको होलसेल गोदाम र बिक्री काउन्टर निरीक्षण गरिएको छ । सो पसलमा २३ प्रकारका म्याद गुज्रिएका सामग्री फेला, परेका छन् भने मूल्यसूची नराखिएको, दर्ता भएको वर्षौ भइसक्दा साइनबोर्ड समेत नराखेको, बिक्री बिल देखाउन नसकेको, यस अघिको निर्देशनको बेवास्ता गरेको उपभोक्त स्वास्थ्यप्रति पूर्ण लापरबाही गरेको भन्दै उपभोक्ता संरक्षण ऐन बमोजिम रू। ५० हजार जरिवाना गरिएको सहायक प्रजिअ उपाध्यायले बताउनुभयो ।

यि हुन् २३ प्रकारका म्याद गुज्रिएका सामग्री
१. ट्याङ्ग २८८ पाकेट,
२. बदाम ड्राई १५० पिस,
३. मःमः मसला ११० पाकेट,
४. कर्नफ्लेक्स ८ पाकेट,
५. फेन्टा १.५ लि। १ बोतल,
६. पप ६४ पिस,
७. २० बिस्कुट ५७ पिस,
८. बबलगम चुईगम १८ पाकेट,
९. पोट्याटो चिप्स २५ पिस,
१०. काजुबदाम बिस्कुट २४ पाकेट,
११. माडा २४ पत्ता,
१२. पिनट २० पाकेट,
१३. मटर फ्राई १९ पिस,
१४. गोल्डेन कुकीज १४ पिस,
१५. जेली १० पिस,
१६. ग्लुकोज बिस्कुट ९ पिस,
१७. नरिवल लड्डु ७ बट्टा
१८. २०-२० बिस्कुट १ कार्टुन,
१९. स्टिट बिस्कुट १ कार्टुन,
२०. काजु ४ पाकेट,
२१. किसमिस ३ पाकेट,
२२. मेला क्यान जुस ३ पिस,
२३. कोक र ड्यु ५०० मि।लि। १-१ बोतल । 

सहायक प्रजिअ सँग रेडियो राजमार्गले गरेको कुराकानी सुन्नुहोस्....