धादिङ । धुनिवेशी नगरपालिकाको २ वटा सडक आगामी आर्थिक वर्ष कालोपत्रे हुने भएको छ । नगरपालिकाको नवौँ नगरसभा मार्फत आगामी आर्थिक वर्ष २०७८/०७९ मा नगरपालिकाको खिलभुजा-भन्ज्याङ पोखरी-महेशफाँट सडक र डाँडाडिही बडारेचौर-जीवनपुर-किटनी-कोल्पु सडक कालोपत्रे हुने जानकारी गराईएको हो ।
खिलभुजा-भन्ज्याङ पोखरी-महेशफाँट सडकको लागि ८३ लाख र डाँडाडिही बडारेचौर-जीवनपुर-किटनी-कोल्पु सडकका लागि १ करोड ६६ लाख बजेट विनियोजन गरिएको हो । उक्त बजेट सँघीय सरकारबाट हस्तान्तरित कार्यक्रम समपुरक अनुदान अन्तर्गत विनियोजन गरिएको जनाईएको छ ।
धुनिवेशी नगरपालिकाले आगामी आर्थिक वर्षका लागि ७७ करोड २५ लाख २८ हजार ७०० रुपैँया बराबरको बजेट विनियोजन गरेको हो ।
क्षेत्रगत रुपमा आर्थिक विकास तर्फ ६ करोड ६२ लाख ५ हजार, सामाजिक विकास क्षेत्र तर्फ २९ करोड १ लाख ७३ हजार ७०० बजेट विनियोजन गरिएको छ । यस्तै पुर्वाधार विकास क्षेत्र तर्फ २५ करोड ९८ लाख ७४ हजार , सुशासन तथा अन्र्तसम्बन्धि क्षेत्र तर्फ ६५ लाख २५ हजार र कार्यालय सञ्चालन तथा प्रशासनिक क्षेत्र तर्फ १४ करोड ९७ लाख ५१ हजार रुपैँया बजेट विनियोजन गरिएको छ ।
यो पनि : धुनिवेशी नगरपालिकाद्धारा ७७ करोड २५ लाख रुपैँया बराबरको बजेट विनियोजन
