शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

विश्वमा कोरोना संक्रमितको संख्या एक करोड माथी

विश्वमा कोरोना संक्रमितको संख्या एक करोड माथी

नागरिक पाटी

१४, आषाढ २०७७
  • 9.5K
    SHARES
  • विश्वमा कोरोना संक्रमितको संख्या एक करोड माथी

    काठमाण्डौं । विश्वभर कोरोनाभाइरस संक्रमितको कूल संख्या एक करोडभन्दा माथि पुगेको छ । अहिलेसम्म कोरोनाभाइरसबाट करीब एक करोड ७५ हजार संक्रमित भएका छन् ।

    images

    तीमध्ये आधाभन्दा बढी निको भएका छन् । अहिलेसम्म करीब ५४ लाख ५४ हजार जना निको भएका छन् । उपचाररत संक्रमितको संख्या करीब ४१ लाख २० हजार छ ।

    सबैभन्दा धेरै संक्रमित अमेरिकामा छन् । त्यहाँ संक्रमितको कूल संख्या करीब २६ लाख नाघेको छ । तीमध्ये सात लाखभन्दा केही बढी मात्र निको भएका छन् ।

    विश्वमा दैनिक नयाँ संक्रमित भेटिने दर निरन्तर उकालो लागिरहेको छ । शुक्रबार एकैदिन अहिलेसम्मकै बढी करीब एक लाख ९५ हजार नयाँ संक्रमित फेला परेका छन् ।

    धेरैजसो संक्रमित अमेरिका, ब्राजिल, रसिया र भारतमा फेला परेका हुन् । ब्राजिलमा पनि कूल संक्रमितको संख्या १३ लाख नाघिसकेको छ । त्यस्तै रसियामा ६ लाख २७ हजार र भारतमा पाँच लाख २९ हजार संक्रमित छन् ।

    यसैबीच कोरोनाभाइरसबाट मृन्यु हुनेको संख्या पनि पाँच लाख नाघेको छ । तीमध्ये एक लाख २८ हजार जना अमेरिकीहरुले ज्यान गुमाएका छन् । त्यसपछि ब्राजिलमा ५७ हजार र बेलायतमा ४३ हजारभन्दा बढीले ज्यान गुमाएाक छन् ।

    पछिल्लो समय मेक्सिको पनि कोरोनाभाइरसको ‘हटस्पट’ भएको छ । त्यहाँ अहिलेसम्म दुई लाखभन्दा माथि संक्रमित भएका छन् भने करीब २६ हजारको मृत्यु भएको छ ।

    images
    images
    images
    images
    प्रकाशित मिति :आषाढ १४, २०७७ आइतवार - ०७:१४:१३ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology