धादिङको धुनिबेसी नगरपालिकामा ‘धुनिबेसी नगर कप फुटबल प्रतियोगिता–२०८३’ आयोजना हुने भएको छ । वडा स्तरीय प्रतियोगिता आगामी असोज २६ गतेदेखि ३१ गतेसम्म धुनिबेसी खेल मैदान (पुरानो धार्के), वडा नम्बर ५ मा सञ्चालन हुने आयोजकले जनाएको छ ।
धुनिबेसी नगरपालिका आयोजक तथा नौबिसे युवा समाज सह–आयोजक रहेको प्रतियोगितामा ११/११ जना खेलाडी सम्मिलित टोलीले प्रतिस्पर्धा गर्नेछन् ।
प्रतियोगिताको विजेता टोलीले नगद ५५ हजार ५५५ रुपैयाँसहित सिल्ड, मेडल र प्रमाणपत्र प्राप्त गर्नेछ । त्यस्तै, उपविजेता टोलीले २५ हजार ५५५ रुपैयाँसहित सिल्ड, मेडल र प्रमाणपत्र पाउनेछ ।
प्रतियोगितामा उत्कृष्ट गोलरक्षक, उत्कृष्ट डिफेन्डर, उत्कृष्ट मिडफिल्डर, हाई स्कोरर, बेस्ट प्लेयर र राइजिङ स्टार विधामा समेत पुरस्कारको व्यवस्था गरिएको छ । प्रत्येक विधाका उत्कृष्ट खेलाडीले कपसहित २ हजार ५०० रुपैयाँ प्राप्त गर्नेछन् । प्रत्येक खेलमा उत्कृष्ट प्रदर्शन गर्ने खेलाडीलाई ‘म्यान अफ द म्याच’ ट्रफी प्रदान गरिने आयोजकले जनाएको छ ।
प्रतियोगितासम्बन्धी थप जानकारीका लागि दीपेश कोईराला (९८२३२२७३९०) र सबिन खत्री (९८१३९६५५४८) लाई सम्पर्क गर्न सकिनेछ ।
