धादिङ । धादिङमा चार स्थानिय तहका किराना, खाद्य स्टोर, होटल तथा खाजाघर, चाउमिन उद्योग, कस्मेटिक पसल तथा बेकरी गरी २९ ओटा पसल तथा फर्ममा अनुगमन गरिएको छ। जिल्ला प्रशासन कार्यालय धादिङका अनुसार बजार अनुगमनको क्रममा ठूलो संख्यामा म्याद गुज्रिएका सामग्री जफत गरिएको छ भने गजुरीका दुई स्थानबाट ४० लिटर घरेलु मदिरा समेत नष्ट गरिएको छ । अनुगमनको क्रममा गजुरीमा रहेको सिमोन किराना स्टोरमा १३ किसिमका म्याद गुज्रिएका सामग्री पाइएकोले ५ हजार जरिवाना गरिएको छ ।
त्यस्तै मलेखुमा रहेको उमा कोल्ड स्टोरको होलसेल गोदाममा म्याद गुज्रिएका ६ कार्टुन चकलेट पाइएको, खुद्रा बिक्री भनेर होलसेल बिक्री गर्ने गरेको पाइएकोले १० हजार जरिवाना गरिएको प्रशासनले जनाएको छ ।
गत बैशाखदेखीको अनुगमनको क्रममा जिल्लाका ५४ वटा पसललाई नगद जरिवाना गरिएको प्रशासनले जनाएको छ । उपभोक्ताको निरन्तर गुनासो पश्चात प्रशासन,घरेलु लगाएतका सम्बन्धित निकायहरुले जिल्लाका विभिन्न स्थानहरुमा गत बैशाखदेखी नियमित रुपमा बजार अनुगमन गर्दै आएको छ।
यो पनि हेर्नुहोस्...
